షర్మిల పార్టీలోకి మాజీ డీజీపీ?

దిశ‌, తెలంగాణ బ్యూరో: మరికొద్దిరోజుల్లో ఖమ్మంలో జరగనున్న భారీ బహిరంగ సభలో కొత్త పార్టీని షర్మిల ప్రకటించనున్న క్రమంలో ఆమెకు మద్దతు పెరుగుతోంది. తాజాగా మాజీ డీజీపీ స్వరన్ జిత్ సేన్ షర్మిల పార్టీలో చేరే అవకాశమున్నట్లు ప్రచారం జరుగుతోంది. ఇవాళ ఆయన లోటస్‌పాండ్‌లో వైఎస్ షర్మిలతో భేటీ అయ్యారు.

సమావేశం అనంతరం మీడియాతో మాట్లాడిన స్వరన్ జిత్ సేన్.. ప్రజల బాగు కోరుకునే వారికి త‌మ మ‌ద్దతు ఉంటుందని, అందులో త‌ప్పేముంద‌ని వ్యాఖ్యానించడం ఆసక్తికరంగా మారింది. త‌మకు వైఎస్సార్ కుటుంబంతో ఎప్పటినుంచో సాన్నిహిత్యం ఉంద‌ని, ష‌ర్మిల పార్టీ పెడుతున్న నేప‌థ్యంలో మ‌ర్యాద‌పూర్వకంగా క‌లిసి శుభాకాంక్షలు చెప్పానన్నారు.