బాంద్రా ఘటన ఏమాత్రం సమర్థనీయం కాదు: భజ్జీ

ముంబై: లాక్‌డౌన్‌ను మరోసారి పొడిగించడంతో ముంబైలోని బాంద్రా రైల్వే స్టేషన్‌లో వలస కార్మికులు మంగళవారం ఆందోళకు దిగగా.. ఈ ఘటనపై టీమిండియా మాజీ స్పిన్నర్ హర్భజన్ సింగ్ స్పందించాడు. ప్రస్తుత విపత్కర పరిస్థితులను ప్రతి ఒక్కరూ అర్థం చేసుకోవాలన్నాడు. ఇలా రోడ్లపైకి పెద్దఎత్తున రావడం ఏమాత్రం సమర్థనీయం కాదని వెల్లడించాడు. ఈ మేరకు ఆయన ట్విట్టర్‌లో స్పందిస్తూ..‘‘బాంద్రా రైల్వే స్టేషన్‌లో నిన్న జరిగిన ఘటన ఆందోళనకు గురిచేసింది. దీన్ని ఏమాత్రం అంగీకరించలేం. ప్రతి ఒక్కరినీ ఇంటికి పరిమితం చేయడానికే లాక్‌డౌన్ ప్రకటించారు. వలస కార్మికులు ఈ విపత్కర పరిస్థితులను అర్థం చేసుకోవడం లేదు. వారితో పాటు ఇతరులనూ ప్రమాదంలోకి నెట్టుతున్నారు.’’ అని పేర్కొన్నాడు. కాగా, భోజనం, వసతి ఏర్పాట్లు కల్పిస్తామని పోలీసులు హామీ ఇవ్వడంతో వలస కార్మికులు ఆందోళన విరమించిన సంగతి తెలిసిందే.

Tags: bandra incident, harbhajan singh, tweet, cricketer