కాంగ్రెస్ త్యాగాలతోనే స్వాతంత్ర్యం వచ్చింది: సుదర్శన్ రెడ్డి

దిశ ప్రతినిధి, నిజామాబాద్: కాంగ్రెస్ పార్టీ నాయకుల త్యాగాల వల్లనే దేశానికి స్వాతంత్ర్యం వచ్చిందని.. తెలంగాణ రాష్ట్రాన్ని సాధించడంలో కూడా కాంగ్రెస్ పార్టీ కీలక పాత్ర పోషించిందని మాజీ మంత్రి సుదర్శన్ రెడ్డి అన్నారు. మంగళవారం కాంగ్రెస్ భవన్‌లో.. జిల్లా కాంగ్రెస్ కమిటీ అధ్యక్షులు మానాల మోహన్ రెడ్డి ఆధ్వర్యంలో కాంగ్రెస్ పార్టీ 137 వ ఆవిర్భావ దినోత్సవం సందర్భంగా పార్టీ పతాకాన్ని ఆవిష్కరించారు. ఈ కార్యక్రమానికి ముఖ్య అతిథిగా మాజీ మంత్రి సుదర్శన్ రెడ్డి హాజరయ్యారు. ఈ సందర్భంగా ఆయన మాట్లాడుతూ.. భారత దేశానికి స్వాతంత్ర్యం తీసుకురావడం, దేశాన్ని అభివృద్ధి చేయడంలో కాంగ్రెస్ పార్టీ కీలక పాత్ర పోషించిందన్నారు. మహత్మ గాంధీ, పటేల్ వంటి ఎందరో కాంగ్రెస్ పార్టీ కీలక నాయకుల త్యాగాలు చేశారన్నారు. కానీ, మతతత్వ పార్టీలు కాంగ్రెస్‌ను తక్కువ చేసే ప్రయత్నం చేస్తున్నాయని విమర్శించారు.