NHLML: నేషనల్ హైవేస్ లాజిస్టిక్స్ మేనేజ్‌మెంట్ లిమిటెడ్ లో గ్రాడ్యుయేట్ ఇంజినీర్ ట్రెయినీ పోస్టుల భర్తీకి నోటిఫికేషన్ విడుదల

దిశ, వెబ్‌డెస్క్: నేషనల్ హైవేస్ అథారిటీ ఆఫ్ ఇండియా(NHAI) కు చెందిన నేషనల్ హైవేస్ లాజిస్టిక్స్ మేనేజ్‌మెంట్ లిమిటెడ్(NHLML) వివిధ ఉద్యోగాల భర్తీకి నోటిఫికేషన్ విడుదల చేసింది. ఈ రిక్రూట్‌మెంట్ ద్వారా 28 గ్రాడ్యుయేట్ ఇంజినీర్ ట్రెయినీ(Graduate Engineer Trainee) పోస్టులను భర్తీ చేయనున్నారు. అన్ రిజర్వుడ్ వాళ్లకు 16, ఓబీసీలకు 6, ఎస్సీలకు 3, ఎస్టీలకు 1, ఈడబ్ల్యూఎస్‌లకు 2 పోస్టుల చొప్పున కేటయించారు. ఆసక్తి గల అభ్యర్థులు www.nhlml.org.in ద్వారా ఆన్‌లైన్‌లో దరఖాస్తు చేసుకోవచ్చు. దరఖాస్తు చేసుకోవడానికి చివరి తేదీ నవంబర్ 11, 2024. ఈ పోస్టులకు ఎంపికైన అభ్యర్థులను కాంట్రాక్టు ప్రాతిపదికన ఐదేళ్ల కాలానికి ఉద్యోగంలోకి తీసుకుంటారు.

పోస్టుల వివరాలు:

• గ్రాడ్యుయేట్ ఇంజినీర్ ట్రెయినీ(Civil)
• గ్రాడ్యుయేట్ ఇంజినీర్ ట్రెయినీ(Electronics And Communication)
• గ్రాడ్యుయేట్ ఇంజినీర్ ట్రెయినీ(Mechanical)

విద్యార్హత:

అభ్యర్థులు సివిల్, ఎలక్ట్రానిక్స్ అండ్ కమ్యూనికేషన్, మెకానికల్ ఇంజినీరింగ్ లో బీఈ/ బీటెక్ 65 శాతం మార్కులతో పూర్తి చేసి ఉండాలి. ఓబీసీ, ఎస్సీ, ఎస్టీ, దివ్యాంగులకు 55 శాతం సరిపోతుంది. అలాగే గేట్ పరీక్షలో ఉత్తీర్ణత సాధించి ఉండాలి.

వయోపరిమితి:

ఈ పోస్టులకు అప్లై చేసుకునే అభ్యర్థుల వయస్సు అక్టోబర్ 1, 2024 నాటికి 30 ఏళ్లకు మించకూడదు. ఓబీసీలకు మూడేళ్లు, ఎస్సీ/ఎస్టీలకు ఐదేళ్లు, దివ్యాంగులకు పది నుంచి పదిహేనేళ్ల వరకు సడలింపు ఉంటుంది.

ఎంపిక ప్రక్రియ:

గేట్ స్కోర్, పర్సనల్ ఇంటర్వ్యూ ఆధారంగా అభ్యర్థులను ఎంపిక చేస్తారు. గేట్ మార్కులకు 90 శాతం, ఇంటర్వ్యూకు 10 శాతం వెయిటేజిని కేటాయించారు.

జీతం:

ఈ ఉద్యోగాలకు ఎంపికైన అభ్యర్థులకు నెలకు రూ. 40,000 నుంచి రూ.1,40,000 వరకు జీతం ఉంటుంది.