మీ వ్యాధులు మాకొద్దు.. మా వార్డుకు రావొద్దు

దిశ, నిజామాబాద్: మీ వ్యాధులు మాకొద్దు.. మా వార్డుకు రావద్దు అని.. కామారెడ్డి మున్సిపాలిటీ పరిధిలోని 40వ వార్డు కౌన్సిలర్ విజయ భాస్కర్ గౌడ్ ఆధ్వర్యంలో యువకులు మంగళవారం వార్డులోని ప్రధాన రోడ్లను మూసివేయించారు. 40వ వార్డు ప్రధాన రోడ్లపై కంచెలు ఏర్పాట్లు చేసి వాహనాలను నిలిపివేశారు. రోడ్డుపై వచ్చి పోయిన ఇతర ప్రాంతల వాహన యజమానుల పేర్లను రిజిస్టర్‎లో నమోదు చేస్తున్నారు. ఈ వార్డును స్ఫూర్తిగా తీసుకొని కామారెడ్డిలోని అన్ని వార్డుల్లో కంచెను ఏర్పాటు చేసి.. కరోనా రాకుండా కట్టడి చేయాలని ఆర్‌డీఓ రాజేంద్ర కుమార్, మున్సిపల్ కమిషనర్ అనిల్ సింగ్ సూచించారు. 40వ వార్డు కౌన్సిలర్ చేస్తున్న కృషిని అధికారులు కొనియాడారు. ఈ కార్యక్రమంలో కామారెడ్డి డిఎస్పీ లక్ష్మీనారాయణ, 40వ వార్డు యువకులు పాల్గొన్నారు

Tags: lockdown, 40 number ward, closed, kamareddy