దేశమంతటా సులువైన వైద్యం.. 16 అంకెలతో డిజిటల్ కార్డు
దిశ, తెలంగాణ బ్యూరో: దేశ ప్రజల ఆరోగ్య పరిస్థితి ఎలా ఉన్నదో తెలుసుకునేందుకు కేంద్ర ప్రభుత్వం ప్రతిష్ఠాత్మకంగా అందుబాటులోకి తేస్తున్న‘డిజిటల్ హెల్త్ కార్డు’ విధానంతో వైద్యం సులువుగా అందుతుందని వైద్యరంగ నిపుణులు పేర్కొంటున్నారు. నేషనల్ డిజిటల్ హెల్త్ మిషన్‌లో భాగంగా గతేడాది కేంద్ర ప్రభుత్వం ప్రారంభించిన ఈ పథకం 6 రాష్ట్రాల్లో విజయవంతం కావడంతో మిగతా రాష్ట్రాల్లోనూ అమలు చేసేందుకు సర్వం సిద్ధమవుతున్నది. ఈ మేరకు ప్రతీవ్యక్తికి 16 అంకెల యూనిక్ కోడ్తో డిజిటల్ కార్డును ఇవ్వనున్నారు. […]
దిశ, తెలంగాణ బ్యూరో: దేశ ప్రజల ఆరోగ్య పరిస్థితి ఎలా ఉన్నదో తెలుసుకునేందుకు కేంద్ర ప్రభుత్వం ప్రతిష్ఠాత్మకంగా అందుబాటులోకి తేస్తున్న‘డిజిటల్ హెల్త్ కార్డు’ విధానంతో వైద్యం సులువుగా అందుతుందని వైద్యరంగ నిపుణులు పేర్కొంటున్నారు. నేషనల్ డిజిటల్ హెల్త్ మిషన్‌లో భాగంగా గతేడాది కేంద్ర ప్రభుత్వం ప్రారంభించిన ఈ పథకం 6 రాష్ట్రాల్లో విజయవంతం కావడంతో మిగతా రాష్ట్రాల్లోనూ అమలు చేసేందుకు సర్వం సిద్ధమవుతున్నది. ఈ మేరకు ప్రతీవ్యక్తికి 16 అంకెల యూనిక్ కోడ్తో డిజిటల్ కార్డును ఇవ్వనున్నారు. కేంద్రం రూపొందించిన డిజిటల్ యాప్, వెబ్సైట్లలో ఆ కోడ్ ద్వారా దేశవ్యాప్తంగా ఏ ప్రాంతం నుంచైనా చికిత్స పొందవచ్చు.
ఆసుపత్రులకు వచ్చిన ప్రతీ పేషెంట్ ఆధార్కార్డు, ఫోన్ నంబర్లను తీసుకొని హెల్త్ ఐడీ క్రియేట్‌ చేయించేలా ప్రభుత్వ, ప్రైవేట్ హాస్పిటళ్లతో ప్రభుత్వం ఒప్పందం చేయనుంది. ఇదే తరహాలో ఇప్పటి వరకు కొన్ని రకాల స్కీంలు జరుగుతున్నా.. ఈ సారి హెల్త్ ఇన్సూరెన్స్, లైఫ్‌ ఇన్సూరెన్స్‌కు కూడా ఎన్‌హెచ్‌ఆర్‌‌ను(నేషనల్ హెల్త్ డిజిటల్ రికార్డ్స్) లింక్ చేయనున్నట్టు అధికారులు పేర్కొంటున్నారు. బీమాను కలిగి ఉన్న వ్యక్తి హాస్పిటల్‌లో చేరగానే.. సదరు వ్యక్తి వివరాలన్నీ ఇన్సూరెన్స్ కంపెనీకి వెళ్లిపోతాయి.
క్లెయిమ్‌ కూడా ఆన్‌లైన్‌ విధానంలో పూర్తవుతోంది. దేశవ్యాప్తంగా ఎక్కడైనా ఈ ఐడీతో మన ఆరోగ్య పరిస్థితి, పాత రిపోర్టులు, మందులు వివరాలను సులువుగా తెలుసుకోవచ్చు. పేషెంట్ ల కన్ఫర్మేషన్ కోడ్ తో డాక్టర్లు, ఇన్సూరెన్స్ కంపెనీలూ కూడా వివరాలు తెలుసుకోవచ్చు. దీంతో ఏ రాష్ట్రంలో ఏ వ్యాధులు ఎక్కువగా ఉన్నాయో తెలుసుకోవచ్చని ఎన్హెచ్ఎం ఆఫీసర్లు పేర్కొంటున్నారు. దీంతో ఆయా రాష్ట్రాల్లో వ్యాధి నిర్మూలనకు ప్రత్యేక ఫోకస్ పెట్టవచ్చని వివరిస్తున్నారు.