శ్రీరామనవమి పండుగ రోజు ఈ పనులు చేస్తే కోరి కష్టాలు తెచ్చుకున్నట్లే .. అవేంటంటే?

దిశ, ఫీచర్స్ : లోక రక్షకుడైన రామయ్య పండుగ శ్రీరామ నవమిని ఘనంగా జరుపుకునేందుకు దేశం సిద్ధమవుతుంది. అయోధ్య రామాలయంతో పాటు దేశవ్యాప్తంగా ఉన్న ఇతర రామాలయాల్లో కూడా రామ నవమిని ఘనంగా నిర్వహించేందుకు సన్నాహాలు జరుగుతున్నాయి. సీతారాముల కళ్యాణం లోకకళ్యాణం అంటుంటారు. ఈ రోజున రామయ్య కళ్యాణం ఘనంగా జరుపుతారు.

రామ నవమి పండుగ రోజు కొన్ని పనులకు దూరంగా ఉండాలి. ఈ సంవత్సరం శ్రీరామ నవమిని ఏప్రిల్ 17 న జరుపుకోనున్నారు. మహావిష్ణువు అవతారమైన శ్రీరాముడిని పూజించేటప్పుడు, రామ నవమి సమయంలో నివారించాల్సిన పనులు ఉన్నాయి. అవేంటో ఇక్కడ చూద్దాం..

ఈ రోజున, శ్రీరాముడిని నిష్టగా పూజించాలి. మాంసాహారాలకు దూరంగా ఉండాలి. మాంసాహారం తింటే రామయ్యకు ఆగ్రహం వస్తుంది. ఫలితంగా ఆర్థిక సమస్యలు వస్తాయి. శ్రీరామ నవమి నాడు మిరపకాయలు, ఉల్లిపాయలు తినడం మానుకోవాలని అంటున్నారు. ఈ పనులు చేయడం వల్ల రాముడిని, శ్రీరామ నవమిని జరుపుకునే వారిని అవమానించినట్టే పండితులు చెబుతున్నారు. ఆహారమే కాకుండా మద్యపానం, ధూమపానానికి కూడా దూరంగా ఉండాలి. శ్రీరామ నవమి రోజున గోళ్లు, వెంట్రుకలు కత్తిరించకండి. ఒకవేళ కత్తిరించుకుంటే రాముడి ఆగ్రహానికి గురై ఆరోగ్యం పాడైపోతుందని అంటున్నారు.