రియల్ లైఫ్‌లో ఒక్కటైన ‘లవ్ మాక్‌టెయిల్’ హీరోహీరోయిన్లు

దిశ, సినిమా : కన్నడ సూపర్ హిట్ రొమాంటిక్ డ్రామా ‘లవ్ మాక్‌టెయిల్’ రీల్ కపుల్ కృష్ణ, మిలానా నాగరాజ్ రియల్ కపుల్ అయ్యారు. వాలెంటైన్స్ డే రోజున ట్రెడిషనల్ వెడ్డింగ్ సెర్మనీలో వీరిద్దరూ ఒక్కటయ్యారు. కాగా సోషల్ మీడియాలో పెళ్లికి సంబంధించిన పిక్స్ షేర్ చేసిన కపుల్స్‌కు ఫ్యాన్స్ అండ్ కోస్టార్స్ ఆల్ ది బెస్ట్ చెప్తున్నారు. బెంగళూరు శివార్లలోని ఓ ప్రైవేట్ రిసార్ట్‌లో స్విమ్మింగ్ పూల్‌పై సెటప్ చేసిన స్పెషల్ కళ్యాణ మండపంలో కృష్ణ, మిలానా కళ్యాణం అంగరంగ వైభవంగా జరిగింది. పాస్టల్ సిల్క్ ఎంబ్రాయిడరీ సారీలో మిలానా ఎలిగెంట్‌గా కనిపించగా.. అందుకు తగిన ధోవతి కుర్తాలో కృష్ణ హ్యాండ్సమ్‌గా కనిపించారు. వెడ్డింగ్ సెర్మనీలో కపుల్స్ సూపర్ హ్యాపీగా కనిపిస్తుండగా.. వధువు నుదుటిపై వరుడు ముద్దుపెట్టిన స్టన్నింగ్ మూమెంట్స్ సోషల్ మీడియాలో వైరల్ అయ్యాయి.

‘లవ్ మాక్‌టెయిల్ 2’ సినిమా ప్లాన్ చేస్తున్న కృష్ణ.. తన పెళ్లి రోజునే అప్‌కమింగ్ ప్రాజెక్ట్‌ నుంచి ఫస్ట్ సింగిల్ రిలీజ్ చేశారు. కాగా ఈ చిత్రంలో రాచెల్ డేవిడ్ హీరోయిన్‌గా నటిస్తోంది. దీంతో పాటు కృష్ణ.. ‘శ్రీకృష్ణ@జీమెయిల్.కమ్’, ‘మిస్టర్ బ్యాచిలర్’ సినిమాలు చేస్తున్నారు.