ఆక్సిజన్ తయారీ కేంద్రాన్ని సందర్శించిన సీఎస్ సోమేశ్ కుమార్

దిశ, కుత్బుల్లాపూర్ : కుత్బుల్లాపూర్ నియోజకవర్గం జీడిమెట్లలోని మెగా ఇంజినీరింగ్ అండ్ ఇన్ఫా స్ట్రక్చర్ లిమిటెడ్ లో చేస్తున్న ఆక్సిజన్ తయారీ కేంద్రాన్ని రాష్ట్ర ప్రభుత్వ ప్రధాన కార్యదర్శి సోమేశ్ కుమార్ మంగళవారం సందర్శించారు. ప్రపంచాన్ని వణికిస్తున్న కరోనా వైరస్ తో ప్రజలు పడుతున్న ఇబ్బందులను తొలగించేందుకు ప్రభుత్వం పని చేస్తుందన్నారు. ప్రస్తుతం అత్యవసరమైన ఆక్సిజన్ తయారు చేస్తున్న మెగా కంపెనీకి అభినందనలు తెలిపారు. ఈ కార్యక్రమంలో రాష్ట్ర ఐటీ శాఖ ముఖ్య కార్యదర్శి జయేష్ రంజన్, ఆర్థిక శాఖ స్పెషల్ సెక్రెటరీ రోనాల్డ్ రోస్, టీఎస్ఐఐసీ ఎండి నర్సింహా రెడ్డి, కంపెనీ ఎండి పీవీ కృష్ణా రెడ్డి, డైరెక్టర్ శ్రీనివాస్ రెడ్డి తదితరులు పాల్గొన్నారు.