మంగళగిరిలో ఘోర రోడ్డు ప్రమాదం..కాన్వాయ్ ఆపి క్షతగాత్రులకు హెల్ప్ చేసిన మంత్రి

దిశ,వెబ్‌డెస్క్: గుంటూరు జిల్లా మంళగిరిలోని తెనాలి ఫ్లైఓవర్ వద్ద ఆదివారం ఘోర రోడ్డు ప్రమాదం జరిగింది. ఆటోను కారు ఢీకొన్న ఈ ఘటనలో బాలుడు అక్కడిక్కడే మృతి చెందాడు. మరో నలుగురికి తీవ్ర గాయాలయ్యాయి. అదే మార్గంలో వెళుతున్న బీసీ సంక్షేమ శాఖ మంత్రి సవిత ఈ రోడ్డు ప్రమాదాన్ని గమనించి  తన కాన్వాయ్ ఆపి ఘటన స్థలానికి వెళ్లారు. ఆమె క్షతగ్రాతులకు మంచి నీరు తాగించి..సహాయక చర్యలను పర్యవేక్షించారు. అంతేకాదు దగ్గరుండి క్షతగాత్రులను ఆస్పత్రికి పంపించారు. అనంతరం బాధితులకు మెరుగైన వైద్యం అందించాలని అధికారులను మంత్రి సవిత ఆదేశించారు.