ఆలయానికి వెళ్లి వస్తూ తిరిగిరాని లోకాలకు..

దిశ, మేడిపల్లి : బోడుప్పల్ జాహ్నవి డిగ్రీ కాలేజీకి చెందిన ఇద్దరు విద్యార్థులు బస్సు ఢీకొని మృతి చెందిన సంఘటన మేడిపల్లి పోలీసుస్టేషన్ పరిధిలో శుక్రవారం జరిగింది. స్థానికులు తెలిపిన వివరాల ప్రకారం మేడ్చల్ జిల్లా మేడిపల్లి మండలం బోడుప్పల్ జాహ్నవి డిగ్రీ కాలేజీకి చెందిన విద్యార్థులు భూమా సాయికుమార్ (22), అనిత(20)లు మిత్రులతో కలిసి సంగి టెంపుల్ కు వెళ్లి తిరిగి బోడుప్పల్ కు బైక్ పై వస్తున్న సమయంలో ప్రతాపసింగారం ప్రభుత్వ డబుల్ బెడ్ రూమ్ ఇండ్ల సమీపంలో ఆర్టీసీ బస్సు ఢీ కొనడంతో ఇద్దరు అక్కడికక్కడే మృతి చెందారు.

పోలీసులు సంఘటనా స్థలానికి చేరుకుని ప్రమాదానికి కారణమైన బస్సును, విద్యార్థులు ప్రయాణిస్తున్న బైక్ ను స్వాధీనం చేసుకుని తల్లిదండ్రులకు సమాచారం అందించారు. అనంతరం మృతదేహాలను మార్చురికి తరలించారు. సమగ్ర విచారణ జరిపి వివరాలు తెలియజేస్తామని తెలిపారు.