బ్రేకింగ్: మాదాపూర్ పరిధిలోని పబ్బులపై SOT పోలీసుల ఆకస్మిక రైడ్స్
మాదాపూర్ జోన్ పరిధిలోని పబ్బులపై సైబరాబాద్ ఎస్వోటీ పోలీసులు శనివారం ఆకస్మిక దాడులు జరిపారు.
దిశ, తెలంగాణ క్రైమ్ బ్యూరో: మాదాపూర్ జోన్ పరిధిలోని పబ్బులపై సైబరాబాద్ ఎస్వోటీ పోలీసులు శనివారం ఆకస్మిక దాడులు జరిపారు. నిబంధనలకు విరుద్ధంగా వ్యవహరిస్తున్న నలుగురిని అదుపులోకి తీసుకున్నారు. ఎస్వోటీ డీసీపీ ఎం.ఏ. రషీద్తెలిపిన ప్రకారం వివరాలు ఇలా ఉన్నాయి. మాదాపూర్ జోన్‌లోని పలు పబ్బుల్లో నిబంధనలను పాటించటం లేదన్న సమాచారం మేరకు ఎస్వోటీ పోలీసులు మొత్తం పదహారు పబ్బులపై దాడులు జరిపారు.
హార్ట్కప్, బర్డ్బాక్స్ పబ్బుల్లో మైనర్లకు మద్యం సరఫరా చేస్తున్నట్టు గుర్తించారు. బర్డ్బాక్స్ పబ్బుకు లైసెన్స్ లేదని నిర్ధారించుకున్నారు. ఈ క్రమంలో హార్ట్కప్ పబ్బు యజమాని ఎం.పవన్కుమార్, మేనేజర్ ఆదిత్య తమంగ్‌ను అరెస్టు చేశారు. బర్డ్బాక్స్ పబ్బు యజమాని వంశీవర్ధన్, మేనేజర్ అర్జున్‌ను కూడా అదుపులోకి తీసుకున్నారు. నిబంధనలకు విరుద్ధంగా నడుస్తున్న పబ్బుల గురించి తెలిస్తే 94906 17444 నెంబర్‌కు వాట్సాప్ద్వారా వివరాలు తెలియచేయాలని డీసీపీ కోరారు.