అనుమానస్పద స్థితిలో వృద్ధురాలు మృతి

దిశ, వేములపల్లి : అనుమానాస్పద స్థితిలో వృద్ధురాలు మృతి చెందిన సంఘటన వేములపల్లి మండలం మంగాపురం గ్రామంలో శుక్రవారం రాత్రి చోటుచేసుకుంది. స్థానికులు, డీఎస్పీ రాజశేఖర్ రాజు తెలిపిన వివరాల ప్రకారం మంగాపురం గ్రామానికి చెందిన ఆలకుంట లక్ష్మమ్మ (75) పెద్ద కుమారుడు దుర్గయ్య తో పాటు నివసిస్తుంది. కాగా ఈనెల 8న దుర్గయ్య తో పాటు ఆయన భార్య పొలం పనులకు వెళ్లి సాయంత్రం ఇంటికి తిరిగి రాగా లక్ష్మమ్మ అనుమానాస్పద స్థితిలో మృతి చెందింది.

దీంతో వెంటనే పోలీసులకు సమాచారం అందించడంతో సంఘటన స్థలానికి చేరుకున్న పోలీసులు మృతురాలు చెవులకు ఉన్న మాటీలు తీయడానికి చెవి కొసలను కట్ చేసినట్టుగా ఉండడంతో పాటు మెడలో ఉన్న నల్లపూసల గొలుసు కనిపించకపోవడంతో గుర్తు తెలియని వ్యక్తులు దొంగతనం చేసి హత్య చేసినట్లుగా భావిస్తున్నట్లు తెలిపారు. మృతురాలి కొడుకు దుర్గయ్య ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు తెలిపారు. సంఘటన స్థలాన్ని డీఎస్పీ రాజశేఖర్ రాజు, రూరల్ సీఐ వీరబాబు, ఎస్సై వెంకటేశ్వర్లు పరిశీలించి క్లూస్ టీం తో వివరాలు సేకరించినట్లు పేర్కొన్నారు. పోస్టుమార్టం అనంతరం 24 గంటల్లో మృతి గల కారణాలను తెలియజేయునట్లు డీఎస్పీ రాజశేఖర్ రాజు తెలిపారు.