రోడ్డు ప్రమాదంలో తల్లీకూతురు మృతి..

దిశ, బెజ్జంకి : కల్వర్టును అతివేగంతో కారు ఢీకొనడంతో అక్కడికక్కడే తల్లి కూతురు మృతి, మరొకరికి తీవ్ర గాయాలైన ఘటన సిద్దిపేట జిల్లా బెజ్జంకి మండల పరిధిలోని బెజ్జంకి క్రాసింగ్ రాజీవ్ రహదారి పై జరిగింది. పోలీసుల వివరాల ప్రకారం హైదరాబాద్ నుంచి సొంతూరు కరీంనగర్ లో తమ ఇంట్లో నోము కోసం కారులో వస్తుండగా ఈ ఘటన జరిగింది.

కారులో ప్రయాణిస్తున్న వరలక్ష్మి (42), ఆమె కూతురు ఆదిత్వీ (13) లకు తీవ్ర గాయాలవ్వగా అక్కడికక్కడే చనిపోయారు. మృతురాలి తమ్ముడు విజయ్ కుమార్ తీవ్రంగా గాయపడగా ఆయనను చికిత్స నిమిత్తం కరీంనగర్ ప్రభుత్వ ఆసుపత్రికి తరలించారు. పోలీసులు ఘటనా స్థలానికి చేరుకొని కేసునమోదు చేసుకుని దర్యాప్తు చేస్తున్నారు.