అంతరాష్ట్ర యువకుడు ఆత్మహత్య..

దిశ,మేడ్చల్ టౌన్: ఓ యువకుడు చెట్టుకు ఉరివేసుకొని ఆత్మహత్య చేసుకున్న సంఘటన మేడ్చల్ పోలీస్ స్టేషన్ పరిధిలో చోటుచేసుకుంది. మేడ్చల్ పోలీసులు తెలిపిన వివరాల ప్రకారం మేడ్చల్ మండలంలోని రావల్ కోల్ గ్రామంలో గురువారం అర్ధరాత్రి ఓ యువకుడు చెట్టు ఉరివేసుకున్నాడని పోలీసులు డయల్ 100 ద్వారా సమాచారం అందింది. దీంతో పోలీసులు సంఘటన స్థలానికి చేరుకుని మృతదేహాన్ని పోస్టుమార్టం నిమిత్తం ఆస్పత్రికి తరలించారు. మృతుడు మధ్యప్రదేశ్ కి చెందిన దీపక్ లాల్ సింగ్ (20) వృత్తి రీత్యా సమ్మక్క సారక్క కంపెనీలో కూలి పని చేస్తూ జీవించేవాడు పోలీసులు గుర్తించారు. ఆత్మహత్యకు గల కారణాలు తెలియరాలేదు. ఈ మేరకు కేసు నమోదు చేసి దర్యాప్తు చేస్తున్నట్లు మేడ్చల్ పోలీసులు తెలిపారు.