ఘోరం...దంపతులను ఢీకొట్టిన ఇసుక లారీ... భర్త మృతి

దిశ,శంకరపట్నం : పొలం దగ్గర ధాన్యాన్ని ఆరబెట్టడానికి వెళ్తున్న దంపతులను ఇసుక లారీ ఢీకొట్టడంతో భర్త మృతి చెందగా భార్యకు తీవ్ర గాయాలయ్యాయి. వివరాల్లోకి వెళితే శంకరపట్నం మండలంలోని కాచాపూర్ గ్రామానికి చెందిన రైతు లింగంపల్లి సుధాకర్ రెడ్డి (65) అతని భార్య సుధతో కలిసి శనివారం ధాన్యాన్ని నేర్పడానికి ఆముదాలపల్లి వైపు గల పొలం వద్దకు వెళ్తుండగా వీణవంక వైపు వెళ్తున్న ఇసుక లారీ ఎదురుగా వచ్చి ఢీకొట్టింది.

     దాంతో దంపతులిద్దరికీ తీవ్ర గాయాలు కాగా గమనించిన స్థానిక రైతులు వారి బంధువులకు సమాచారాన్ని అందించారు. వారు ఘటనా స్థలానికి చేరుకొని గాయపడిన వారిని ఓ ప్రైవేటు వాహనంలో కరీంనగర్ ఆసుపత్రికి తరలిస్తుండగా మార్గమధ్యలో సుధాకర్ రెడ్డి మరణించాడు. తీవ్రంగా గాయపడిన సుధను ఆసుపత్రికి తరలించి వైద్యం అందిస్తున్నట్లు తెలిపారు.