పెరట్లో గంజాయి మొక్క

దిశ, తాండూర్ : తాండూర్ బారేవాడకు చెందిన ఇడిదినేని నాగయ్య అనే వ్యక్తిని గంజాయి కేసులో అరెస్టు చేసినట్లు ఎస్సై కిరణ్ కుమార్ తెలిపారు. నాగయ్య తన ఇంటి పెరటిలో గంజాయి మొక్క పెంచుతున్నట్లు సమాచారం రావడంతో మంగళవారం అతని పెరటిని తనిఖీ చేయగా గంజాయి మొక్క లభ్యమైందన్నారు. ఈ మేరకు గంజాయి మొక్కను స్వాధీనం చేసుకొని అతనిపై కేసు నమోదు చేసినట్లు చెప్పారు. ఎవరైనా గంజాయి, నిషేధిత మత్తు పదార్థాలు సాగుచేసినా, విక్రయించినా, రవాణా చేసినా స్థానిక పోలీసులకు సమాచారం ఇవ్వాలని, వారి వివరాలు గోప్యంగా ఉంచుతామని ఎస్సై తెలిపారు.