రోడ్డు ప్రమాదంలో యువకుడు మృతి

దిశ,నర్సాపూర్ : రోడ్డు ప్రమాదంలో యువకుడు మృతి చెందిన సంఘటన నర్సాపూర్ మండల పరిధిలో చోటుచేసుకుంది. పోలీసులు తెలిపిన వివరాల ప్రకారం… హైదరాబాద్ నుంచి ఇద్దరు బైక్ రైడర్లు అల్లం కౌశిక్, కళ్యాణ్ రెడ్డి ( 19) తన బైక్ పై జోగిపేట్ వెళ్లి అక్కడి నుండి నర్సాపూర్ వచ్చారు. తిరుగు ప్రయాణంలో హైదరాబాద్ వెళ్తుండగా మార్గమధ్యలో నర్సాపూర్ మండల పరిధిలోని కొండాపూర్ గ్రామ శివారులో రోడ్డు పైన అల్లం కౌశిక్ కళ్యాణ్ రెడ్డి బైక్ అతి వేగంగా నడుపుతూ స్కిడ్ అయ్యి రోడ్డుపై పడిపోయి ఎదురుగా వస్తున్న కార్ కు ఢీకొన్నాడు. దీంతో అతనికి తీవ్ర గాయాలై అక్కడికక్కడే మరణించాడు. తల్లీ అల్లం సునీత ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఏ. ఎస్సై కృష్ణ తెలిపారు.