సాఫ్ట్వేర్ ఇంజనీర్ కు రూ. 53 లక్షల కుచ్చుటోపీ
సైబర్ నేరగాళ్లు మరోసారి పంజా విసిరారు. టాస్క్ పేరుతో హైదరాబాద్ కు చెందిన ఓ సాఫ్ట్ వేర్ ఇంజనీర్ ను ఉచ్ఛులోకి లాగి 53 లక్షల రూపాయల కుచ్చుటోపీ పెట్టారు.
దిశ, తెలంగాణ క్రైం బ్యూరో: సైబర్ నేరగాళ్లు మరోసారి పంజా విసిరారు. టాస్క్ పేరుతో హైదరాబాద్ కు చెందిన ఓ సాఫ్ట్ వేర్ ఇంజనీర్ ను ఉచ్ఛులోకి లాగి 53 లక్షల రూపాయల కుచ్చుటోపీ పెట్టారు. వివరాలు ఇలా ఉన్నాయి. హైదరాబాద్ లోని ఓ ప్రముఖ సాఫ్ట్వేర్ కంపెనీలో ఇంజనీర్ గా పనిచేస్తున్న ఉద్యోగికి కొన్ని రోజుల క్రితం టెలిగ్రామ్ ద్వారా ఓ పోస్ట్ వచ్చింది. ఓపెన్ చూసి చూడగా మేమిచ్చిన టాస్క్ పూర్తి చేస్తే ఇంటి వద్దనే కూర్చుని పెద్ద మొత్తంలో డబ్బు సంపాదించవచ్చని అందులో ఉంది. దీనికి స్పందించిన సాఫ్ట్ వేర్ ఇంజనీర్ తాను సిద్దమంటూ రిప్లై ఇవ్వగా సైబర్ నేరగాళ్లు అతనికి కొన్ని టాస్కులు ఇచ్చారు.
వాటిని సాఫ్ట్ వేర్ ఇంజనీర్ పూర్తి చేయగా కొంత డబ్బు కూడా పంపించారు. తమను పూర్తిగా నమ్మినట్టు నిర్ధారించుకున్న తరువాత తాము చెప్పిన స్కీముల్లో పెట్టుబడులు పెడితే లక్షలు సంపాదించవచ్చని ఆశ పెట్టారు. ఈ క్రమంలో సదరు సాఫ్ట్ వేర్ ఇంజనీర్ 53 లక్షల రూపాయలను పెట్టుబడులుగా సైబర్ నేరగాళ్లు చెప్పిన బ్యాంక్ అకౌంట్లకు క్రెడిట్ చేశాడు. ఆ తరువాత వాళ్ల నుంచి ఎలాంటి స్పందన లేకపోవటంతో మోసపోయినట్టు గ్రహించి సైబర్ క్రైం పోలీస్ స్టేషన్ లో లో ఫిర్యాదు చేశాడు.