రోడ్డు ప్రమాదంలో వ్యక్తి మృతి

దిశ, మధిర : రోడ్డు ప్రమాదంలో ఒక వ్యక్తి మృతి చెందిన ఘటన మంగళవారం రాత్రి చోటు చేసుకుంది. వివరాలు ఇలా ఉన్నాయి ఖమ్మం జిల్లా కల్లూరు మండలం ఎర్ర బోయినపల్లి గ్రామానికి చెందిన కోలికపోగు సోమయ్య వయసు ( 35 ) ద్విచక్ర వాహనంపై వైరా నుండి మధిర వైపు వస్తున్న క్రమంలో మండల పరిధిలోని కృష్ణాపురం గ్రామం లో ద్విచక్ర వాహనాన్ని వెనకవైపు నుండి లారీ బలంగా ఢీకొట్టడంతో మృతుడు అక్కడికక్కడే మృతి చెందాడు. మృతుడు భార్య సరిత పుట్టిల్లు బోనకల్లు మండలం రాపల్లి గ్రామం కాగా , సరిత ఎర్రుపాలెం మండలం సమగ్ర శిక్ష అభియాన్ లో టీచర్ గా పని చేస్తున్నారు. మృతుడు రాజీవ్ విద్యా మిషన్ లో ప్రైవేట్ గా ( హియరింగ్ ఇంపైర్డ్ కోర్సు పూర్తి చేసి ) అసిస్టెంట్ ఆడియాలజిస్ట్ ( స్పీచ్ థెరపిస్ట్ గా) ఖమ్మంలో పనిచేస్తున్నారు. మృతుడికి కుమారుడు కుమార్తె ఉన్నారు.