చేపల వేటకు వెళ్లి తిరిగిరాని లోకాలకు..

దిశ, చిన్నశంకరంపేట : చేపల వేటకు వెళ్లి చెరువులో మునిగి ఓ వ్యక్తి మృతి చెందిన సంఘటన మండలంలోని చెన్నై పల్లి గ్రామంలో చోటుచేసుకుంది. గ్రామస్తులు కుటుంబీకుల తెలిపిన వివరాల ప్రకారం ఇదే గ్రామానికి చెందిన గంగకోల్ల గురుపాదం (30)రాత్రి చేపల వేటకు వెళ్లాడు. ఎంతకీ ఇంటికి రాకపోవడంతో శనివారం ఉదయం భార్య రాధా చుట్టుముట్టు వెతకగా, కృష్ణ జింకకుంటలో గురుపాదం మృతదేహం లభ్యమయిందని గ్రామస్తులు తెలిపారు. మృతునికి ముగ్గురు కుమారులు ఉన్నారని తెలిపారు. గురుపాదం మృతితో గ్రామంలో విషాద ఛాయలు నెలకొన్నాయి. భార్య రాధ ఫిర్యాదు మేరకు కేసు నమోదు చేసుకొని పోస్టుమార్టం నిమిత్తం రామాయంపేట ప్రభుత్వ ఆసుపత్రికి తరలించినట్లు విచారణ చేపట్టినట్లు చిన్నశంకరంపేట ఎస్సై నారాయణ గౌడ్ తెలిపారు.