కేంద్రం కీలక ప్రకటన.. పది రాష్ట్రాల్లోనే కరోనా విజృంభన

దిశ, వెబ్‌డెస్క్ : దేశంలో కరోనా సెకండ్ వేవ్ కారణంగా పాజిటివ్ కేసులు భారీగా నమోదు అవుతున్న విషయం తెలిసిందే. ఈ నేపథ్యంలో కేంద్రం కీలక ప్రకటన విడుదల చేసింది. కొత్తగా నమోదైన కేసుల్లో 72.19 శాతం.. మహారాష్ట్ర, ఢిల్లీ, ఉత్తర్​ప్రదేశ్, కేరళ, కర్ణాటక, హర్యానా, పశ్చిమ బెంగాల్, తమిళనాడు, ఆంధ్రప్రదేశ్, రాజస్థాన్‌ల్లోనే నమోదవుతున్నట్లు కేంద్రం పేర్కొంది. మరణాల విషయంలో మహారాష్ట్ర (ఒక్కరోజులో (920)) మొదటి స్థానంలో ఉంది.

ఆంధ్రప్రదేశ్​మినహా మిగతా తొమ్మిది రాష్ట్రాల్లో మరణాల సంఖ్య కూడా ఎక్కువ నమోదవుతోందని కేంద్రం తెలిపింది. ఇక దేశంలో ఈరోజు కొత్తగా 4,12,262 కేసులు నమోదు కాగా 3,980 మంది ప్రాణాలు కోల్పోయారు. అత్యధికంగా మహారాష్ట్రలో 57,640 కేసులు నమోదయ్యాయి.