తెలంగాణలో పెరుగుతున్న కరోనా కేసులు

దిశ, వెబ్‌డెస్క్: రాష్ట్రంలో కరోనా పాజిటివ్ కేసుల సంఖ్య రోజు రోజుకూ పెరుగుతోంది. అనేక మంది కరోనా బారిన పడుతున్నారు. తాజాగా.. గడిచిన 24 గంటల్లో రాష్ట్రవ్యాప్తంగా 887 కరోనా కేసులు నమోదు అయ్యాయి. వైరస్ బారినపడి మరో నలుగురు మృత్యువాతపడ్డారు. ప్రస్తుతం రాష్ట్రంలో 5511 యాక్టివ్ కేసులు ఉన్నట్టు వైద్యాధికారులు తెలిపారు. అత్యధికంగా జీహెచ్ఎంసీ పరిధిలో 201, మేడ్చల్ 79, రంగారెడ్డి 76, జగిత్యాల్ 56, నిజామాబాద్ 45 కేసులు నమోదు అయ్యాయి. దీంతో వైరస్ వ్యాప్తి చెందుతున్న నేపథ్యంలో ప్రజలు అప్రమత్తంగా ఉండాలని, మాస్కులు ధరించి, భౌతిక దూరం పాటించాలని అధికారులు సూచిస్తున్నారు.