తెలంగాణలో విజృంభిస్తోన్న కరోనా

దిశ, వెబ్‌డెస్క్: తెలంగాణ కరోనా వైరస్ రోజురోజుకు విజృంభిస్తోంది. గడిచిన 24గంటల్లో 1,850 కేసులు నమోదయ్యాయి. హైదరాబాద్ పరిధిలోనే 1,572 కేసులు నమోదవ్వడంతో ప్రజలు భయాందోళనకు గురవుతున్నారు. రంగారెడ్డి, మేడ్చల్ జిల్లాల్లో కేసులు విపరీతంగా వస్తున్నాయి. ఇవాళ కరోనా మహమ్మారితో ఐదుగురు చనిపోవడంతో మొత్తం మృతుల సంఖ్య 288కు చేరింది. రాష్ట్రవ్యాప్తంగా కరోనా సోకిన వారి సంఖ్య 22,312గా ఉంది. ప్రస్తుతం 10,487 యాక్టివ్ కేసులు ఉండగా, ఇప్పటివరకు చికిత్స తీసుకొని 11,537మంది డిశ్చార్జ్ అయ్యారు. రాష్ట్రవ్యాప్తంగా ఇప్పటివరకు 1,10,545మందికి కరోనా టెస్టులు నిర్వహించారు. శుక్రవారం, శనివారం వరుసగా రెండ్రోజులు 1800కు పైగా పాజిటివ్ కేసులు రావడంతో ప్రజలు టెన్షన్ పడుతున్నారు.