అనారోగ్యంతో మాజీ ఎమ్మెల్సీ మృతి

దిశ ప్రతినిధి, మహబూబ్ నగర్: కొద్ది సేపటి క్రితం మాజీ ఎమ్మెల్సీ జగదీశ్వర్ రెడ్డి మృతి చెందారు. ఉమ్మడి మహబూబ్ నగర్ జిల్లా నుండి రెండు సార్లు ఎమ్మెల్సీగా ఆయన పనిచేశారు. దివంగత మాజీ ముఖ్యమంత్రి డా.వైఎస్ రాజశేఖరరెడ్డికి అత్యంత సన్నిహితుల్లో ఆయన ఒకరు. సుదీర్ఘ కాలంపాటు ఉమ్మడి మహబూబ్ నగర్ జిల్లా డీసీసీ అధ్యక్షునిగా, పీసీసీ, ఏ ఏఐసీసీలల్లో కీలక పదవులను చేపట్టారు. 2004 ఎన్నికల్లో ఉమ్మడి మహబూబ్ నగర్ జిల్లాలోని 14 అసెంబ్లీ స్థానాలకు గాను 13 స్థానాలను ఆయన ఆధ్వర్యంలో కైవసం చేసుకుంది.

తొలి దశ తెలంగాణ ఉద్యమంలో జిల్లా నుంచి ఆయన కీలక పాత్ర పోషించారు. రాష్ట్ర ఏర్పాటు తర్వాత ఆయన టీఆర్ఎస్ లో చేరారు. కాగా ఇటీవలే తిరిగి ఆయన కాంగ్రెస్ గూటికి చేరారు. కొంతకాలంగా ఆయన కిడ్నీ సంబంధిత వ్యాధితో బాధపడుతున్నారు. కాగా చికిత్స పొందుతూ శుక్రవారం ఆయన మృతి చెందారు.