ఖబర్దార్ మల్లారెడ్డి.. అంతు చూస్తామంటూ కాంగ్రెస్ నేతల వార్నింగ్

దిశ, వికారాబాద్ : తెలంగాణ పీసీసీ అధ్యక్షుడు రేవంత్‌ రెడ్డిపై అనుచిత వ్యాఖ్యలను తీవ్రంగా ఖండిస్తూ గురువారం వికారాబాద్, నవాబ్ పేట్ మండలాలలో స్థానిక ప్రధాన చౌరస్తాలో కాంగ్రెస్ శ్రేణులు ధర్నా కార్యక్రమం నిర్వహించారు.

ఈ సందర్భంగా మల్లారెడ్డికి యువజన కాంగ్రెస్ తరఫున హెచ్చరికలు చేశారు. రేవంత్ రెడ్డిపై మరోసారి ఇలాంటి వ్యాఖ్యలు చేస్తే మల్లారెడ్డి అంతుచూస్తాం.. ఖబర్దార్ అని వార్నింగ్ ఇచ్చారు. అనంతరం కాంగ్రెస్‌ కార్యకర్తలు మంత్రి మల్లారెడ్డి దిష్టి బొమ్మను దహనం చేశారు.

సమాచారం అందుకున్న పోలీసులు ధర్నా చేస్తున్న చోటుకు చేరుకుని కాంగ్రెస్‌ శ్రేణులను అడ్డుకున్నారు. దీంతో ఉద్రిక్తత చోటుచేసుకుంది. కాంగ్రెస్‌ శ్రేణులను పోలీసులు అదుపులోకి తీసుకొని పోలీస్‌స్టేషన్‌కు తరలించారు.