ప్రముఖ నటుడు, బెంగాలీ నాటక రచయిత కన్నుమూత

దిశ, వెబ్‌డెస్క్: సినిమా ఇండస్ట్రీలో తీవ్ర విషాదం నెలకొంది. ప్రసిద్ధ బెంగాలీ నాటక రచయిత, నటుడు మనోజ్ మిత్రా(Manoj Mitra) కన్నుమూశాడు. 86 ఏళ్ల అతను గత కొంతకాలంగా అనారోగ్యంతో బాధపడుతున్నారు. ఈ క్రమంలో నేడు కోల్‌కతాలోని ఓ ఆస్పత్రిలో చికిత్సపొందుతు చివరి స్వాస విడిచారు. మనోజ్ మిత్రా చాలా సంవత్సరాలుగా వృద్ధాప్యానికి సంబంధించిన ఆరోగ్య సమస్యలతో బాధపడుతున్నాడని తెలిపిన అతని సోదరుడు, రచయిత అమర్ మిత్ర, ఉదయం 8:50 గంటలకు అతని మరణాన్ని ప్రకటించారు.

కాగా ఈ రోజు కన్నుమూసిన మిత్ర తన స్వంత నాటకం సజానో బగాన్ నుండి స్వీకరించబడిన తపన్ సిన్హా యొక్క బంచారమేర్ బగన్‌లో తన నటనకు బాగా పేరు పొందాడు. అతను ప్రముఖ దర్శకుడు సత్యజిత్ రే యొక్క ఘరే బైరే, గణశత్రు చిత్రాలలో కూడా కనిపించారు. సత్యజిత్ రేతో కలిసి పని చేయడంతో పాటు, మనోజ్ మిత్ర బుద్ధదేబ్ దాస్‌గుప్తా, బసు ఛటర్జీ, తరుణ్ మజుందార్, శక్తి సమంతా మరియు గౌతమ్ ఘోష్ వంటి ప్రఖ్యాత దర్శకుల చిత్రాలలో కూడా కనిపించారు. ఆయన మృతి చెందాడని వార్త తెలుసుకున్న సినీ ప్రముఖులు నివాళులు అర్పిస్తున్నారు.