Sampoornesh Babu: కారులో తిరగగలనా అనుకున్నా కానీ ఫ్లైట్స్‌లో తిరిగాను.. బర్నింగ్ స్టార్ వైరల్ కామెంట్స్
‘హృదయ కాలేయం’ (Hrudayakalayam) సినిమాతో ప్రేక్షకుల ముందుకు వచ్చి బర్నింగ్ స్టార్‌గా అభిమానం పొందాడు సంపూర్ణేష్ బాబు
దిశ, సినిమా: ‘హృదయ కాలేయం’ (Hrudayakalayam) సినిమాతో ప్రేక్షకుల ముందుకు వచ్చి బర్నింగ్ స్టార్‌గా అభిమానం పొందాడు సంపూర్ణేష్ బాబు (Sampoornesh Babu). ఇందులో సంపూ క్యారెక్టర్ ప్రేక్షకులకు నవ్వులను పూయించింది. దర్శకుడు సాయి రాజేశ్ (Sai Rajesh) రూపొందించిన ఈ సినిమా 11 ఏళ్ల కిందట రిలీజై సూపర్ హిట్ అందుకుంది. ఈ క్రమంలోనే తాజాగా ఈ సినిమా 11 వ యానివర్సరీ సందర్భంగా హైదరాబాద్‌(Hyderabad)లో ఏర్పాటు చేసిన కార్యక్రమంలో హీరో సంపూర్ణేష్ బాబు మీడియా మిత్రులతో మాట్లాడారు.
‘సినిమా కల సాకారం చేసుకునేందుకు వందలాది మంది ప్రయత్నిస్తుంటారు. వారిలో నాకు ఒకరిగా అవకాశం, గుర్తింపు దక్కడం అదృష్టంగా భావిస్తున్నా. నరసింహా చారిగా చిన్న పల్లెటూరి నుంచి వచ్చిన నన్ను హృదయకాలేయం సినిమాతో సంపూర్ణేష్ బాబుగా మార్చారు సాయి రాజేశ్ అన్న. ఆయనకు రుణపడి ఉంటాను. సాయి రాజేశ్ అన్న, ఆయన అమృత ప్రొడక్షన్స్ నాకు ఎప్పుడూ అండగా ఉంటాయి. సాయి రాజేశ్ అన్న కొంత టైమ్ పట్టినా నాతో మూవీ చేస్తా అన్నారు. హృదయ కాలేయం రిలీజ్ టైమ్‌లో దర్శకులు రాజమౌళి (Rajamouli) గారు చేసిన ట్వీట్ వల్ల నాకు ఎంతో గుర్తింపు దక్కింది. ఎప్పుడు కలిసినా రాజమౌళి గారు సంపూ ఎలా ఉన్నావు అని పలకరిస్తారు. ఆయన సినిమాలో అవకాశం వస్తే అంతకంటే కావాల్సింది ఏముంది. హృదయ కాలేయం టైమ్‌లో సందీప్ కిషన్ (Sundeep Kishan) అన్న, మారుతి (Maruti) గారు, తమ్మారెడ్డి భరద్వాజ ఎంతో సపోర్ట్ చేశారు.
11 ఏళ్లయినా ఇప్పటికీ హృదయ కాలేయం సినిమా గురించి ప్రేక్షకులు మాట్లాడుకోవడం సంతోషంగా ఉంది. ఈ 11 ఏళ్లలో హీరోగా, క్యారెక్టర్ ఆర్టిస్టుగా పలు చిత్రాల్లో నటించాను. త్వరలో సోదరా అనే మూవీతో మీ ముందుకు రాబోతున్నా. ఈ సినిమా ఈ నెల 25న రిలీజ్ కు వస్తోంది. మరో రెండు సినిమాలు రిలీజ్‌కు ఉన్నాయి. కామెడీతో పాటు సీరియస్ క్యారెక్టర్స్ కూడా చేయాలని అనుకుంటున్నా. బిగ్ బాస్ నుంచి బయటకు వచ్చినప్పుడు చాలామంది ఆ షోలో ఉంటే బాగుండేది కదా అన్నారు. కానీ నా లైఫ్ స్టైల్‌కు అక్కడి పరిస్థితికి సరిపోక ఉండలేకపోయాను. నా సంపాదనలో కొంత ఛారిటీకి ఇవ్వడం ఎంతో సంతృప్తిని కలిగిస్తోంది. సోషల్ మీడియాలో యాక్టివ్‌గా ఉండను. ఎవరైనా విమర్శించినా వాటిని సీరియస్‌గా తీసుకోను. కనీసం కారులో తిరగగలనా అని అనుకున్న నన్ను హృదయ కాలేయం సినిమా, సాయి రాజేశ్ అన్న ఇచ్చిన అవకాశం వల్ల ఫ్లైట్స్‌లో తిరిగాను. త్వరలో మరిన్ని మంచి మూవీస్‌తో ప్రేక్షకుల ముందుకు రాబోతున్నా’ అంటూ చెప్పుకొచ్చారు.