సినిమాలకు సమంత పూర్తిగా దూరం.. ఆ ఫీల్డ్‌లోకి గ్రాండ్‌గా ఎంట్రీ ఇవ్వబోతుందా?

దిశ, వెబ్‌డెస్క్: టాలీవుడ్ స్టార్ హీరోయిన్ సమంత ప్రస్తుతం సినిమాలకు దూరమైనట్లు తెలుస్తోంది. ఒక సంవత్సరం పాటు అమెరికాలో మయోసైటీస్‌కు చికిత్స తీసుకోనున్నట్లు సమాచారం. ఈ అమ్మడు సోషల్ మీడియాలో యాక్టీవ్‌గా ఉంటూ వెకేషన్స్‌కు వెళ్తూ ఫుల్ ఎంజాయ్ చేస్తుంది. అంతేకాకుండా పలు ఫొటోలు షేర్ చేస్తూ ఇంట్రెస్టింగ్ క్యాప్షన్ ఇస్తుంది.

తాజాగా, సమంతకు సంబంధించిన ఓ వార్త నెట్టింట సంచలనం సృష్టిస్తోంది. సమంత సినిమాలకు పూర్తిగా గుడ్ బై చెప్పబోతోంది అంటూ సోషల్ మీడియాలో వార్తలు వినిపిస్తున్నాయి. ఆమె వద్దకు వచ్చిన డైరెక్టర్లకు ఎప్పుడు సినిమాలు చేస్తుందో కరెక్ట్‌గా చెప్పడం లేదట. కొంత మంది ఆమె దగ్గరకు వెళ్లి కథను కూడా వినిపిస్తున్నారట. అయితే అది ఆమెకు నచ్చుతున్నా సరే.. నావల్ల కాదు వేరే వాళ్ళతో చేసుకోండి అంటూ ఓపెన్‌గా చెప్పుకొస్తుందట. మీకోసం రెండేళ్లయినా ఆగుతాం మేడం అంటూ ఆమెపై రెస్పెక్ట్ ఉన్న ఓ డైరెక్టర్ అడుగుతూ ఉంటే.. సమంత వద్దు వద్దు అంటూనే రిజెక్ట్ చేసిందని టాక్. అంతేకాదు పూర్తిగా బిజినెస్ రంగంలోకి దిగాలని ట్రై చేస్తుందట. నాగార్జున - నాగచైతన్యలకి కాంపిటీషన్‌గా వచ్చి బిజినెస్ రంగంలో సక్సెస్‌ఫుల్‌గా రాణించాలన్న ప్లాన్‌లో సామ్ ఉందట. ఇందులో నిజమెంత అనేది తెలియదు కానీ ఈ న్యూస్ మాత్రం సోషల్ మీడియాలో చక్కర్లు కొడుతోంది. దీంతో అది చూసిన ఫ్యాన్స్ ఆశ్చర్యపోతున్నారు.