‘శారీ’ సినిమా నుంచి సెకండ్ సాంగ్ రిలీజ్.. హ్యాపీ వరల్డ్ శారీ డే అంటూ ఆర్జీవీ ఇంట్రెస్టింగ్ పోస్ట్

దిశ, సినిమా: రామ్ గోపాల్ వర్మ(Ram Gopal Varma) నిర్మాణంలో గిరికృష్ణ కమల్(Giri Krishna Kamal) దర్శకత్వంలో తెరకెక్కుతున్న లేటెస్ట్ మూవీ ‘శారీ’(Saree). ఆరాధ్య దేవీ(Aaradhya Devi), సత్య యదు(Sathya Yadu) ముఖ్య పాత్రలు పోషిస్తున్న ఈ సినిమా నుంచి ఇప్పటికే రిలీజ్ అయిన టీజర్, ఫస్ట్ సాంగ్ ప్రేక్షకులను ఎంతగానో ఆకట్టుకున్నాయి. ఈ క్రమంలో శనివారం(December 21) వరల్డ్ శారీ డే కావడంతో ఆర్జీవీ సెకండ్ సాంగ్‌‌ను రిలీజ్ చేశాడు.

ఈ మేరకు ఎక్స్ వేదికగా ఈ పాటను షేర్ చేస్తూ.. ‘హ్యాపీ వరల్డ్ శారీ డే.. ‘శారీ’ సినిమా నుంచి శారీ గర్ల్ సాంగ్ రిలీజ్ అయింది. ఈ సినిమా జనవరి 30 న రిలీజ్ కానుంది’ అని ఆర్జీవీ రాసుకొచ్చారు. ఇక శారీ గర్ల్.. అంటూ ఇంగ్లీష్‌లో సాగే ఈ పాటను ఆర్జీవీ ఛానల్‌లో రిలీజ్ చేశారు. అయితే ఈ పాటను హీరోయిన్‌ని లవ్ చేస్తున్న అబ్బాయి సినిమాలో పాడుతున్నట్టుగా అనిపించింది. అంతే కాకుండా ఈ సాంగ్‌లో కూడా హీరోయిన్‌ చీరలో తన అందాలను చూపిస్తూ హీట్ పుట్టించింది.