‘పాపా’ రిలీజ్ డేట్ ఫిక్స్

దిశ, సినిమా: కవిన్, అపర్ణ దాస్(Aparna Das) ప్రధాన పాత్రదారులుగా, డైరెక్టర్ కె. గణేష్ బాబు(K. Ganesh Babu) తెర‌కెక్కించిన‌ చిత్రం ‘డా..డా’. ఈ మూవీ గత ఏడాది తమిళంలో విడుదలై సెన్సేష‌న‌ల్ హిట్ సాధించింది. ఆడియన్స్‌ని విప‌రీతంగా ఆకట్టుకోవడంతో పాటు కోలీవుడ్ ఇండ‌స్ట్రీలో డిస్ట్రిబ్యూట‌ర్‌ల‌కు కాసుల వ‌ర్షం కురిపించింది. అతి త‌క్కువ బ‌డ్జెట్‌తో తెర‌కెక్కిన ఈ సినిమా సుమారు 42 కోట్లు వసూళ్లు సాధించి బ్లాక్ బ‌స్టర్ విజ‌యాన్ని న‌మోదు చేసుకుంది. ఇప్పుడు తెలుగులో విడుదల చేయనున్నారు మేకర్స్. ఈ మూవీని తెలుగులో ‘పా.. పా..(Pa.. Pa)’ టైటిల్‌తో జేకే ఎంటర్టైన్మెంట్స్‌(JK Entertainments) బ్యానర్‌పై, నిర్మాత నీరజ కోట రిలీజ్ చేయ‌బోతున్నారు. జ‌న‌వ‌రి 3న ఈ మూవీ ఆంధ్ర, తెలంగాణతో పాటు అమెరికా, ఆస్ట్రేలియా థియేట‌ర్‌ల‌లో గ్రాండ్‌గా విడుద‌ల కానుంది. దీనిని తెలుగు రాష్ట్రాల్లో ఎంజీఎం సంస్థ నుంచి అచ్చిబాబు(Achibabu) విడుద‌ల చేస్తున్నారు.