సమ్మర్ స్పెషల్‌గా రాబోతున్న ‘ఒక బృందావనం’.. అప్డేట్ వచ్చేస్తుందంటూ మేకర్స్ ఆసక్తికర వ్యాఖ్యలు

దిశ, సినిమా: కంటెంట్‌ బాగుంటే చిన్న సినిమా, పెద్ద సినిమా నూతన తారలు, క్రేజ్‌ ఉన్న తారలు అనే తేడా లేకుండా సినీ ప్రేక్షకులు ఆదరిస్తారు. అయితే ఈ మధ్య కాలంలో కేవలం కంటెంట్‌తోనే సూపర్‌హిట్‌గా నిలిచిన చిత్రాలు చాలా ఉన్నాయి. తాజాగా ఆ కోవలోకి చేరే చిత్రమే ‘ఒక బృందావనం’. నూతన నటీనటులు బాలు, షిన్నోవాలతో పాటు శుభలేక సుధాకర్, అన్నపూర్ణమ్మ(Annapurnamma), శివాజీ రాజా, రూప లక్ష్మి, సాన్విత, కళ్యాణ్ రాజు(Kalyan Raju), మహేంద్ర, డి.డి. శ్రీనివాస్, ఇతర సీనియర్‌ నటీనటులు నటించారు.

బొత్స సత్య దర్శకత్వంలో కిషోర్‌ తాటికొండ, వెంకట్‌ రేగట్టే, ప్రహ్లాద్‌ బొమ్మినేని, మనోజ్‌ ఇందుపూరు ఈసినిమాను నిర్మించారు. ఈ సందర్బంగా నిర్మాతలు మాట్లాడుతూ '' అన్ని వర్గాల ప్రేక్షకులను అలరించే లక్ష్యంతో ఓ వైవిధ్యమైన కాన్సెప్ట్‌తో రాబోతున్న చిత్రమిది. వినోదంతో పాటు మంచి అర్థవంతమైన సందేశాన్ని కూడా ఈ చిత్రంలో జోడించాం. నిర్మాణానంతర పనులు జరుపుకుంటోన్న మా మూవీ ఆడియోను ఆదిత్య మ్యూజిక్‌ ద్వారా విడుదల చేయడానికి సన్నాహాలు చేస్తున్నాం. త్వరలోనే ప్రమోషన్స్‌ను కూడా మొదలుపెట్టి మీ ముందుకు ట్రైలర్‌ను తీసుకవస్తాం. తప్పకుండా కొత్తదనం కోరుకునే ఆడియన్స్‌కు మా చిత్రం తప్పకుండా నచ్చుతుంది' అన్నారు.