Ranya Rao : బంగారం స్మగ్లింగ్ కేసు.. నటి సంచలన స్టేట్మెంట్

దిశ, వెబ్ డెస్క్ : బంగారం అక్రమ రవాణా(Gold Smuggling)లో మంగళవారం ప్రముఖ కన్నడ నటి రాన్యా రావు(Ranya Rao) అరెస్టయిన విషయం తెలిసిందే. ఈ కేసులో విచారణ చేపట్టిన డైరెక్టర్ ఆఫ్ రెవెన్యూ ఇంటలిజెన్స్(DRI) అధికారుల విచారణలో విస్తుపోయే నిజాలు బయటికి వస్తున్నాయి. తనను కొంతమంది బెదిరించి స్మగ్లింగ్ చేయించారని రాన్యా రావు పోలీసులకు స్టేట్మెంట్ ఇచ్చింది. ఈ కేసులో నేడు ఆమె ఇంటిలో సోదాలు చేపట్టిన అధికారులకు, పోలీసులకు కళ్ళు చెదిరే బంగారు నగలు, డబ్బు లభించాయి. దాదాపు రూ.2 కోట్ల విలువైన బంగారు, డైమండ్ నగలు, రూ.2 కోట్ల నగదుతోపాటు.. మొత్తంగా రూ.17 కోట్ల విలువైన నగలు, బంగారాన్ని సీజ్ చేశారు. అధికారులు అవి ఎక్కడి నుంచి వచ్చాయో తెలుసుకునే పనిలో పడ్డారు. ఈ ఏడాదిలో రాన్యా ఇప్పటికే 10 సార్లు దుబాయ్(Dubai) ప్రయాణించినట్టు విచారణలో తేలింది.

రాన్యా ఇటీవల తరచుగా దుబాయ్ వెళ్తున్నట్లు గమనించిన అధికారులు, మంగళవారం దుబాయ్ నుంచి బెంగుళూరు ఎయిర్పోర్టు(Benguluru Airport)కు చేరుకున్న ఆమె వస్తువులను తనిఖీ చేయగా.. అక్రమంగా రవాణా చేస్తున్న దాదాపు 15 కేజీల బంగారాన్ని స్వాధీనం చేసుకున్నారు. అయితే ఇంతకు ముందు కూడా ఆమె బంగారు బిస్కెట్లను లో దుస్తుల్లో దాచి అక్రమ రవాణా చేసిందనే అనుమానాలతో పక్కా ప్రణాళికతో రెడ్ హ్యాండెడ్ గా పట్టుకున్నారు. అయితే తాను కర్ణాటక డీజీపీ రామచంద్రరావు కుమార్తెను అని అధికారులకు తెలిపింది. ఈకేసులో ర్యానాతోపాటు పోలీసులు కూడా ఉన్నారా అనే కోణంలో అధికారులు దర్యాప్తు చేస్తున్నారు. రాన్యా అరెస్ట్ ప్రస్తుతం కన్నడ ఇండస్ట్రీలో సంచలనంగా మారింది. అయితే ఈ నటి కన్నడలో 'మాణిక్య', 'వాఘా', 'పటాకీ' వంటి టాప్ సినిమాల్లో నటించింది.