ఈ సమ్మర్‌లో భారీ ఆఫర్లతో మరో సేల్‌ను తీసుకొచ్చిన అమెజాన్

న్యూఢిల్లీ: ఈ-కామర్స్ వెబ్‌సైట్ అమెజాన్ మరోసారి భారీ ఆఫర్లు, డిస్కౌంట్‌లతో ‘గ్రేట్ సమ్మర్ సేల్’ ను ప్రకటించింది. స్మార్ట్‌ఫోన్‌లు, ల్యాప్‌టాప్‌లు, గృహోపకరణాలు వివిధ రకాల ఉత్పత్తులపై డిస్కౌంట్‌లతో ఈ సమ్మర్‌ సేల్‌ను తెచ్చింది. ఇది మే 4, 2023 నుండి ప్రారంభమవుతుంది. ప్రైమ్ మెంబర్స్‌ మాత్రం 12 గంటల ముందుగానే ఈ సేల్‌లో పాల్గొనవచ్చు. కొనుగోలు సమయంలో వినియోగదారులకు ICICI, కోటక్ బ్యాంక్ కార్డ్‌లపై 10% తక్షణ ఉంటుంది. అమెజాన్ పే ICICI బ్యాంక్ క్రెడిట్ కార్డుపై 5శాతం క్యాష్‌బ్యాక్ లభిస్తుంది. అమెజాన్ గ్రేట్ సమ్మర్ సేల్‌లో స్మార్ట్‌ఫోన్‌లపై 40 శాతం వరకు తగ్గింపు ఉంటుంది. ల్యాప్‌టాప్‌లు, స్మార్ట్‌వాచ్‌లపై 75 శాతం, టీవీలు, రిఫ్రిజిరేటర్లపై 60 శాతం, వాషింగ్ మెషీన్లపై 50 శాతం వరకు, అలెక్సా డివైజ్‌లపై 30 శాతం వరకు తగ్గింపులు ఉంటాయి.