ప్రగతి భవన్ ఎదుట అన్నదమ్ముల ఆత్మహత్యాయత్నం.. కారణం ఇదే!

దిశ, వెబ్‌డెస్క్ : ప్రగతి భవన్ ఎదుట అన్నదమ్ములు ఆత్మహత్యాయత్నానికి ప్రయత్నించారు. మధ్యాహ్నం రెండు గంటల ప్రాంతంలో తెలంగాణ కేబినెట్ సమావేశం ఉన్న విషయం తెలిసిందే. ఈ సమయంలో ప్రగతి భవన్‌కు వస్తున్న మంత్రి హరీశ్ కాన్వాయ్ కింద పడి అన్నదమ్ములు ఆత్మహత్యాయత్నానికి ప్రయత్నించారు. తృటిలో ప్రమాదం తప్పగా, మరో యువకుడు పెట్రోల్ పోసుకుని ఆత్మహత్యకు యత్నించాడు. ఈ ఘటన స్థానికంగా కలకలం రేపింది.

వివరాల్లోకివెళితే.. పేట్ బషీర్‌బాగ్‌‌లో ఉండే నర్సింగరావు అనే యువకుడు ఆత్మహత్యకు యత్నించగా, అతన్ని అడ్డుకుని పోలీసులు పంజాగుట్ట పీఎస్‌కు తరలించారు. తమ ఇంటిని రౌడీషీటర్ కబ్జా చేశాడని, తమకు న్యాయం చేయాలని కొంపల్లి సీఐ రమేశ్‌ను ఆశ్రయించగా పట్టించుకోలేదని బాధితుడు ఆవేదన వ్యక్తంచేశాడు. అంతేకాకుండా రౌడీ‌షీటర్‌తో సెటిల్మెంట్ చేసుకోమన్నారని వాపోయాడు. ఈ నేపథ్యంలోనే అన్నదమ్ములు ఇద్దరూ మంత్రి హరీష్ రావు కాన్వాయ్ కింద పడి ఆత్మహత్యకు యత్నించినట్లు తెలుస్తోంది.