ఎలక్ట్రిక్ వాహనాల ఉత్పత్తి వేగవంతం : బీఎండబ్ల్యూ!

దిశ, వెబ్‌డెస్క్: జర్మనీ లగ్జరీ కార్ల తయారీ సంస్థ బీఎండబ్ల్యూ ఎలక్ట్రిక్ వాహనాల ఉత్పత్తిని వేగవంతం చేయాలని భావిస్తున్నట్టు కంపెనీ చీఫ్ ఎగ్జిక్యూటివ్ ఆలివర్ జిప్సే తెలిపారు. ‘ తాము ఎలక్ట్రిక్ వాహనాలను గణనీయంగా పెంచాలని నిర్ణయించాం. 2021-2023 మధ్య అనుకున్న దానికంటే 2.5 లక్షల ఎక్కువ ఎలక్ట్రిక్ కార్లను తయారు చేయాలని అనుకుంటున్నామని’ ఆయన వివరించారు. 2023 నాటికి కంపెనీ విక్రయించే ప్రతి ఐదవ కారు ఎలక్ట్రిక్ కారు అవ్వాలని లక్ష్యంగా పెట్టుకున్నామని ఆయన తెలిపారు. ఈ క్రమంలో అవసరమైన ఛార్జింగ్ మౌలిక సదుపాయాల విస్తరణనూ వేగవంతం చేయనున్నట్టు, తమ లక్ష్యాలను చేరుకునేందుకు ఇప్పటినుంచి ప్రతి వారం 15 వేల ప్రైవేట్, 1,300 పబ్లిక్ ఛార్జింగ్ పాయింట్లను నిర్వహించాలని భావిస్తున్నట్టు ఆలివర్ జిప్సె వెల్లడించారు.