'వి స్టాండ్ విత్ విజయ్ ' స్టార్ట్
కోలీవుడ్ హీరో విజయ్‌ను బీజేపీ టార్గెట్ చేసిందా? ఐటీ దాడుల వెనుక అసలు కారణం ఇదేనా? బుధవారం షూటింగ్ స్పాట్‌లో విజయ్‌ను ఐదు గంటలపాటు విచారించిన అధికారులు చెన్నైలోని ఆయన నివాసాలపై కూడా దాడులు చేశారు. దీంతో విజయ్ ఇంటికి భారీగా చేరుకున్న ఫ్యాన్స్ ‘వి స్టాండ్ విత్ విజయ్ ‘ అంటూ నినాదాలు చేస్తున్నారు. తాము ఎప్పుడూ మీకు సపోర్ట్‌గా ఉంటామని నినదిస్తున్నారు. అటు సోషల్ మీడియాలోనూ #WeStandWithVijay హ్యాష్ […]
కోలీవుడ్ హీరో విజయ్‌ను బీజేపీ టార్గెట్ చేసిందా? ఐటీ దాడుల వెనుక అసలు కారణం ఇదేనా? బుధవారం షూటింగ్ స్పాట్‌లో విజయ్‌ను ఐదు గంటలపాటు విచారించిన అధికారులు చెన్నైలోని ఆయన నివాసాలపై కూడా దాడులు చేశారు. దీంతో విజయ్ ఇంటికి భారీగా చేరుకున్న ఫ్యాన్స్ ‘వి స్టాండ్ విత్ విజయ్ ‘ అంటూ నినాదాలు చేస్తున్నారు. తాము ఎప్పుడూ మీకు సపోర్ట్‌గా ఉంటామని నినదిస్తున్నారు. అటు సోషల్ మీడియాలోనూ #WeStandWithVijay హ్యాష్ ట్యాగ్ ట్రెండింగ్‌లో ఉంది.
బీజేపీ కావాలనే తమ అభిమాన హీరోపై దాడులు చేయిస్తోందని ఆరోపించారు ఫ్యాన్స్. మెర్సల్ సినిమాలో జీఎస్టీని హేళన చేసే డైలాగ్‌లు సర్కార్ మూవీలో బీజేపీ‌పై పొలిటికల్ సెటైర్లు ఉండడంతో విజయ్‌ను టార్గెట్ చేస్తున్నారని మండిపడ్డారు. బీజేపీని విమర్శించినందునే కక్ష సాధింపు చర్యలకు దిగిందని ఆగ్రహం వ్యక్తం చేశారు. బీజేపీ పొలిటికల్ గేమ్ ఆడుతోందని, అందుకే ఐటీ రైడ్స్ చేయిస్తుందని ఆరోపించారు.
సోషల్ మీడియాలో బీజేపీకి వ్యతిరేకంగా వార్ స్టార్ట్ చేసిన ఫ్యాన్స్, స్టూడెంట్ యూనియన్స్ #WeStandWithVijay ట్రెండ్ చేస్తున్నారు. రైడ్స్ ఆగకపోతే తమిళనాడు మొత్తం విజయ్ ఇంటికి కదిలి వచ్చినా ఆశ్చర్యపోనక్కర్లేదని హెచ్చరిస్తున్నారు. ఇక్కడితో పొలిటికల్ గేమ్ ముగించాలని, లేదంటే తీవ్ర పరిణామాలు ఎదుర్కోవాల్సి వస్తుందని హెచ్చరిస్తున్నారు ఫ్యాన్స్.