ఆ సత్తా బీజేపీకే ఉంది- బండి సంజయ్

దిశ, చేవెళ్ల : దేశానికి సుస్థిర పాలన అందించే సత్తా బీజేపీకే ఉందని ఆ పార్టీ రాష్ట్ర అధ్యక్షుడు బండి సంజయ్ స్పష్టం చేశారు. మాజీ మంత్రి చంద్రశేఖర్‌ను బీజేపీలోకి ఆహ్వానించేందుకు సోమవారం వికారాబాద్‌ వెళ్తూ మార్గమధ్యలో రంగారెడ్డి జిల్లా మొయినాబాద్ మండల కేంద్రంలో ఆయన పార్టీ జెండా ఆవిష్కరించారు. పార్టీ నాయకులు, కార్యకర్తలు భారీ బైక్ ర్యాలీ నిర్వహించి స్వాగతం పలికారు. ఈ సందర్భంగా ఆయన మాట్లాడుతూ కేంద్రంలో నరేంద్ర మోడీ నాయకత్వంలో ఎన్నో సంక్షేమ పథకాలు అమలవుతున్నాయని తెలిపారు. ప్రపంచాన్ని గడగడలాడించిన కొవిడ్-19 వ్యాధికి 9నెలల్లోనే టీకా మందును పంపిణీ చేసిన ఘనత మోడీకే దక్కిందన్నారు.