జీపుతో ఢీకొట్టి.. సీపీఐ నేత‌పై గన్ గురిపెట్టిన వైసీపీ నేత !

దిశ, వెబ్‌డెస్క్: కర్నూలు జిల్లాలో పాతకక్షలు మరోసారి భగ్గుమన్నాయి. బుధవారం తుగ్గలి మండలం కడమకుంట్ల గ్రామంలో సీపీఐ నేత రాంభూపాల్‌రెడ్డిపై సినీఫక్కీలో దాడి జరిగింది. రాంభూపాల్‌రెడ్డిని జీపుతో ఢీకొట్టిన స్థానిక వైసీపీ నేత అమర్‌నాథ్‌రెడ్డి తుపాకీతో కాల్చేందుకు ప్రయత్నించాడు. దీంతో అక్కడే ఉన్న గ్రామస్తులు అడ్డుకోవడంతో అమర్‌నాథ్‌రెడ్డి గ్రామాన్ని విడిచి పారిపోయాడు. తీవ్రగాయాలతో ఉన్న రాంభూపాల్‌రెడ్డిని గ్రామస్తులు, సీపీఐ కార్యకర్తలు కలిసి దగ్గర్లోని ఓ ప్రైవేట్ ఆస్పత్రికి తరలించారు. విషయం తెలుసుకున్న పక్క గ్రామాల సీపీఐ కార్యకర్తలు ఆస్పత్రికి దగ్గరకు పెద్ద ఎత్తున తరలివస్తున్నారు. గ్రామంలో, ఆస్పత్రి దగ్గర పోలీసులు పెద్ద ఎత్తున మోహరించారు. ప్రస్తుతం ఉద్రిక్త పరిస్థితులు నెలకొన్నాయి.