‘పుష్ప’ విలన్ కోలీవుడ్ హీరోనా?

దిశ, వెబ్‌డెస్క్: స్టైలిష్ స్టార్ అల్లు అర్జున్ హీరోగా వస్తున్న చిత్రం ‘పుష్ప’. ఎర్రచందనం స్మగ్లింగ్ నేపథ్యంలో సుకుమార్ డైరెక్షన్‌లో తెరకెక్కుతున్న ఈ సినిమాలో రివేంజ్ డ్రామా అదిరిపోనుందని టాక్. తూర్పుగోదావరి జిల్లాలోని అటవీ పరిసర ప్రాంతాల్లో సినిమా చిత్రీకరణ ఇప్పటికే ప్రారంభించగా.. రివేంజ్ స్టోరీలో విలన్ ఎవరు? అనే దానిపై ఇంకా క్లారిటీ ఇవ్వలేదు మూవీ యూనిట్.

ముందుగా ఈ సినిమాలో పవర్‌ఫుల్ విలన్‌ పాత్ర కోసం మక్కల్ సెల్వన్ విజయ్ సేతుపతిని తీసుకున్నా.. లాక్‌డౌన్ కారణంగా ఇతర ప్రాజెక్టులకు డేట్స్ సర్దుబాటు చేసే క్రమంలో ‘పుష్ప’ నుంచి తప్పుకున్నాడు విజయ్. దీంతో ఈ ప్లేస్‌లోకి ఎవరు వస్తారు? అనే దానిపై చర్చ జరుగుతూనే ఉంది. బాలీవుడ్, కోలీవుడ్ నుంచి పలువురి పేర్లు వినిపించినా.. తాజాగా తమిళ్ హీరో ‘ఆర్య’ను పుష్ప రాజ్ విలన్‌‌గా నిర్ణయించినట్లు సమాచారం. కాగా ఆర్య ఇప్పటికే ‘వరుడు’ సినిమాలో బన్నీకి విలన్‌గా కనిపించి మెప్పించాడు. ‘రాజా రాణి, నేనే అంబానీ’ లాంటి డబ్బింగ్ సినిమాల ద్వారా కూడా తెలుగు ప్రేక్షకులకు సుపరిచితులు ఆర్య.

కాగా మైత్రీ మూవీ మేకర్స్ నిర్మాణ సారథ్యంలో వస్తున్న పుష్పలో రష్మిక మందన హీరోయిన్. గిరిజన యువతిగా కనిపించనున్న భామకు ఈ క్యారెక్టర్ కెరియర్‌లోనే బెస్ట్ అవుతుంది అంటున్నారు విశ్లేషకులు.