సంక్షేమ ఫలాలు అందిస్తున్న ఏకైక ప్రభుత్వం టీఆర్ఎస్: అరూరి రమేష్

దిశ, ఐనవొలు: రాష్ట్రంలోని అన్ని వర్గాల ప్రజలకు సంక్షేమ ఫలాలు అందిస్తున్న ఏకైక ప్రభుత్వం టీఆర్ఎస్ ప్రభుత్వమని వర్ధన్నపేట ఎమ్మెల్యే అరూరి రమేష్ తెలిపారు. ఐనవోలు మండలంలోని ఐనవోలు, ఒంటిమామిడిపల్లి, నందనం, లింగమోరిగూడెం గ్రామాలకు చెందిన కళ్యాణలక్ష్మీ, ముఖ్యమంత్రి సహాయ నిధి చెక్కులను స్వయంగా లబ్ధిదారుల ఇంటికి వెళ్లి ఎమ్మెల్యే అరూరి రమేష్ అందజేశారు. మొత్తం 15మంది కళ్యాణ లక్ష్మి లబ్ధిదారులకు 15లక్షల 1వెయ్యి 740రూపాయల విలువగల చెక్కులను, ఇద్దరు ముఖ్యమంత్రి సహాయ నిధి లబ్ధిదారులకు సుమారు లక్ష రూపాయల విలువగల చెక్కులను ఎమ్మెల్యే రమేష్ పంపిణీ చేశారు. ఈ కార్యక్రమంలో జడ్పి వైస్ చైర్మన్ గజ్జెల శ్రీరాములు, ఎంపీపీ మార్నేని మధుమతి, మండల పార్టీ అధ్యక్షుడు పోలేపల్లి శంకర్ రెడ్డి, మండల రైతు బంధు సమితి కోఆర్డినేటర్ మజ్జిగ జైపాల్, ఆలయ కమిటీ చైర్మన్ మునిగాల సంపత్ కుమార్, అధికార ప్రతినిధి మిద్దెపాక రవీందర్, స్థానిక సర్పంచులు, ఎంపీటీసీలు, ఇతర ప్రజా ప్రతినిధులు, మండల నాయకులు, కార్యకర్తలు, ప్రజలు తదితరులు పాల్గొన్నారు.