Kadapa: కోలాహలంగా వినాయక నిమజ్జనం

దిశ, కడప: వైయస్సార్ జిల్లా వ్యాప్తంగా వినాయక నిమజ్జనాలు కోలాహలంగా జరిగాయి. వినాయక నిమజ్జనాల్లో యువత ఉత్సాహంగా పాల్గొని ఉర్రూతలూగింది. కడపతో పాటు ప్రొద్దుటూరు, బద్వేలు, రాజంపేట ,రాయచోటి, జమ్మలమడుగు ,పులివెందుల, రైల్వే కోడూరు, మైదుకూరు, కమలాపురంతో పాటు గ్రామాల్లో సైతం వినాయక చవితి ఉత్సవాలను ఘనంగా నిర్వహించారు. కేసీ కాలువ ,పెన్నా నది, కుందునది, చెరువులు, లాంటి వాటిల్లో వినాయకుని నిమజ్జనాలు ఘనంగా నిర్వహించారు. .

ఇక కడప నగరంలో ఎటు చూసినా వినాయక నిమజ్జన సందడి కనిపించింది. కడప విజయ దుర్గ కాలనీలో వినాయక నిమజ్జనం కార్యక్రమాన్ని ఘనంగా నిర్వహించారు. ఈ సందర్భంగా భక్తులకు అన్నదానం కార్యక్రమం చేశారు.