GOLMAAL: 500 మంది ఖాతాల్లో డబ్బు మిస్సింగ్.. విచారణ షురూ

దిశ, వెబ్ డెస్క్: కష్టపడి పని చేసి సంపాదించిన డబ్బులో కొంత పొదుపు చేశారు. అవసరాల్లో అసరాగా ఉంటుందని డబ్బులు పోస్టాఫీసులో దాచుకున్నారు. కానీ పోస్టల్ సిబ్బంది కొట్టేశారు. దాదాపు 500 మంది ఖాతాల్లోని డబ్బులు మాయం చేశారు. ఈ ఘటన అన్నమయ్య జిల్లాలో జరిగింది.

అన్నమయ్య జిల్లా పందిలపల్లెకు చెందిన నిరుపేద మహిళలు స్థానిక పోస్టాఫీసులో డబ్బులు డిపాజిట్ చేశారు. అయితే ఈ డబ్బులు మాయం అయ్యాయి. దాదాపు 500 మంది ఖాతాల్లోని డబ్బులు పోయింది. పోస్టల్ సిబ్బందే ఈ డబ్బు కొట్టేశారు. అంతేకాదు పోస్టాఫీసుకు తాళం వేశారు. దీంతో బాధితులు లబోదిబో మంటున్నారు. తమకు న్యాయం చేయాలని కోరుతున్నారు. అయితే ఈ గోల్ మాల్‌పై పోస్టల్ శాఖ విచారణ చేపట్టింది.