Kadapa: మీ ఇళ్లు, మీరు ఉండరు.. సీఎం జగన్‌కు మాజీ ఎమ్మెల్సీ వార్నింగ్

దిశ, కడప: రాజమండ్రి జైల్లో చంద్రబాబుకు హాని జరిగితే జగన్‌కు చెందిన బెంగుళూరు,హైదరాబాద్, పులివెందులలో ఉన్న ఇళ్లులు ఉండవని, అలానే సీఎం కూడా ఉండరని ఎమ్మెల్సీ చెంగల్ రాయుడు హెచ్చరించారు. అన్నమయ్య జిల్లా రాజంపేటలో విలేకర్లతో ఆయన మాట్లాడుతూ జగన్ ప్రభుత్వం చంద్రబాబుకు ప్రభుత్వం హాని తలపెట్టాలని చూస్తోందని ఆరోపించారు. చంద్రబాబు జైల్లో తనకు సరైన భద్రత కల్పించాలని కోరుతూ ఏసీబీ కోర్టుకు లేఖ రాశారని గుర్తు చేశారు. జైల్లో ఉన్న చంద్రబాబును చంపేస్తామని లేఖ వస్తే ఇప్పటివరకు పోలీస్ అధికారులు దర్యాప్తు చేయలేదని పేర్కొన్నారు. జైల్లో ఉన్న టీడీపీ అధినేతను చంపేందుకు సుఫారీ కూడా కుదిరినట్టు సమాచారమని ఎమ్మెల్సీ చెంగల్ రాయుడు ఆరోపించారు.