World Cup Match: క్రికెట్ బెట్టింగ్స్.... 60 మంది అరెస్ట్

దిశ, వెబ్ డెస్క్: వన్డే వరల్డ్ కప్ మ్యాచ్‌లు జరుగుతుండటంతో కడప జిల్లా ప్రొద్దుటూరులో బెట్టింగులు జోరుగా కొనసాగుతున్నాయి. సామాన్య జనమే కాదు.. ప్రముఖులు సైతం బెట్టింగులు కాస్తున్నారు. దీంతో క్రికెట్ బెట్టింగులపై పోలీసులు నిఘా పెట్టారు. గతంలో క్రికెట్ బెట్టింగులకు పాల్పడిన వారిపై, బుకీల ఇళ్లపై మెరుపుదాడులు చేశారు. మొత్తం 60 మందిని అదుపులోకి తీసుకున్నారు. వీరిలో 30 మంది బెట్టింగ్ రాయుళ్లు ఉండగా.. 30 మంది క్రికెట్ బుకీలు ఉన్నారు. వీరందరినీ కడప పోలీస్ స్టేషన్‌కు తరలించారు. సౌతాఫ్రికా- శ్రీలంక, ఇండియా- అస్ట్రేలియా మ్యాచ్‌లపై బెట్టింగులు కట్టారు. కొత్తగా జిల్లా ఎస్పీగా బాధ్యతలు చేపట్టిన సిద్ధార్థ కౌశిల్ గత వారంగా క్రికెట్ బెట్టింగులపై నిఘా పెట్టారు. పక్కా సమాచారంతో రైడ్స్ జరిపి 60 మంది నిందితులను అరెస్ట్ చేశారు.