Kadapa: మమ్మల్ని ఎస్టీల్లో చేర్చండి.. వడ్డెర సంఘం డిమాండ్

దిశ , నందికొట్కూర్: వచ్చే ఎన్నికల్లో వడ్డెర్లకు ఎంపీ , ఎమ్మెల్యే స్థానాలు కేటాయించాలని నంద్యాల జిల్లా వడ్డెర సంఘం జిల్లా అధ్యక్షుడు చక్రధర్ డిమాండ్ చేశారు. గ్రేటర్ రాయలసీమ వడ్డెరుల మేథోమదన సదస్సును కడప జిల్లా పులివెందులలో నిర్వహించారు. ఈ సందర్భంగా చక్రధర్ మాట్లాడుతూ వడ్డెర ప్రాథమిక హక్కులు నెరవేర్చాలన్నారు. వడ్డెరల‌ను ఎస్టీ జాబితాలో చేర్చాలని డిమాండ్ చేశారు. క్వారీలపై వడ్డేరలకు హక్కులు కల్పించడంతోపాటు ప్రభుత్వం ఇన్సూరెన్స్ ఏర్పాటు చేయాలని కోరారు. 45 సంవత్సరాల దాటిన వడ్డెరలకు పింఛన్ సౌకర్యం కల్పించాలన్నారు. వడ్డెర్లకు ఉచిత విద్యను అందించాలని కోరారు.