Badvel: ఆటో, మినీ లారీ ఢీ... ఇద్దరు స్పాట్ డెడ్

దిశ, కడప: వైయస్సార్ జిల్లా బద్వేలు మండలం నందిపల్లె గ్రామ సమీపంలో ఆటోను మినీ లారీ ఢీకొట్టింది. ఈ ఘటనలో ఇద్దరు మృతి చెందారు. మరో 8 మందికి గాయాలయ్యాయి. బద్వేలు నుంచి బ్రహ్మంగారిమఠం, గొల్లపల్లె, చౌదరివారిపల్లె గ్రామాలకు చెందిన 10 మంది ప్రయాణికులు ఆటోలో స్వగ్రామాలకు వెళ్తున్నారు. అయితే వీరి ఆటోను నందిపల్లె వద్ద ఎదురుగా వస్తున్న మినీ లారీ ఢీ కొట్టింది. సిద్దవటం మండలం ఉప్పరపల్లె గ్రామానికి చెందిన వెంకట కృష్ణ (60), బ్రహ్మంగారిమఠం మండలం చౌదరిపల్లె గ్రామానికి చెందిన పి. నాగిరెడ్డి (60) అక్కడికక్కడే మృతి చెందారు. బద్వేలు అర్బన్ పోలీసులు కేసు దర్యాప్తు చేస్తున్నారు.