kadapa: పులివెందులలో వైసీపీకి షాక్.. టీడీపీలోకి భారీగా చేరికలు

దిశ, కడప: వైయస్సార్ జిల్లా పులివెందుల నియోజకవర్గంలో వైసీపీకి పలువురు కార్యకర్తలు గుడ్ బై చెప్పారు. టీడీపీ మాజీ ఎమ్మెల్సీ బి.టెక్ రవి నేతృత్వంలో టీడీపీలో చేరారు. వేంపల్లె మండలం అల్రెడ్డిపల్లి, తూపల్లికి చెందిన గోపినాథ్ రెడ్డితో పాటు పలువురు టీడీపీ తీర్థం పుచ్చుకొన్నారు. టీడీపీ నేతలు మొహమ్మద్ దర్బార్, మండల కన్వీనర్ మునిరెడ్డి, యస్‌ఎండి షబ్బీర్, బాలసోమిరెడ్డి, జగన్నాధరెడ్డి ఆధ్వర్యంలో నియోజకవర్గ ఇంచార్జ్ బి.టెక్ రవి వారికి కండువా కప్పి పార్టీలోకి ఆహ్వానించారు. ఈ సందర్భంగా బీటెక్ రవి మాట్లాడుతూ వచ్చే ఎన్నికల్లో టీడీపీ అధికారంలోకి రావడం ఖాయమని ధీమా వ్యక్తం చేశారు. రాష్ట్రంలో అరాచక పాలనకు విముక్తి కల్పించాలని ప్రజలు కోరుకుంటున్నారని ఆయన వ్యాఖ్యానించారు.