Breaking: ఘోర రోడ్డు ప్రమాదం.. ఐదుగురు స్పాట్ డెడ్

దిశ, వెబ్ డెస్క్: అన్నమయ్య జిల్లాలో జరిగిన ఘోర రోడ్డు ప్రమాదంలో ఐదుగురు మృతి చెందారు. వేగంగా వెళ్లి బైక్‌ను, లారీని కారు ఢీకొట్టింది. ఈ ఘటన మదనపల్లె మండలం బార్లపల్లెలో జరిగింది. విషయం తెలుసుకున్న పోలీసులు ఘటనా స్థలాన్ని పరిశీలించారు. ప్రమాదానికి అతివేగమే కారణమని ప్రాథమికంగా అంచనా వేశారు. మృతుల వివరాలు తెలుసుకున్నారు. కుటుంబ సభ్యులకు సమాచారం అందజేశారు. ఐదుగురు మృతదేహాలను పోస్టుమార్టంకు తరలించారు. ఈ ఘటనలో రోడ్డుపై భారీగా నిలిచిపోయిన ట్రాఫిక్‌ను క్లియర్ చేశారు. కేసు నమోదు చేసి దర్యాప్తు చేస్తున్నారు. ఈ సందర్భంగా వాహనాదారులకు పోలీసులు కీలక సూచనలు చేశారు. డ్రైవర్లు వాహనాలు అతివేగంగా నడపొద్దన్నారు. కుటుంబ సభ్యులను దృష్టిలో ఉంచుకుని డ్రైవింగ్ చేయాలని సూచించారు. రోడ్డు సేఫ్టీ రూల్స్ కచ్చితంగా పాటించాలన్నారు. మద్యం తాగి డ్రైవింగ్ చేయొద్దని, అలా చేస్తే కఠిన చర్యలు తీసుకుంటామని హెచ్చరించారు.