Breaking News:ఎంపీగా షర్మిల పోటీ..ఎక్కడి నుంచంటే?

దిశ,వెబ్‌డెస్క్:ఏపీ కాంగ్రెస్ అభ్యర్థుల జాబితా విడుదలైంది.ఆంధ్రప్రదేశ్ లో 114 అసెంబ్లీ స్థానాలు, 5 ఎంపీ స్థానాలకు అభ్యర్థులను ప్రకటించారు.కడపలో కాంగ్రెస్ నుంచి బరిలో దిగుతున్నది ఎవరో అని ఏపీ ప్రజల్లో ఉత్కంఠ నెలకొంది.ఈ నేపథ్యంలో నిన్న ఏఐసీసీ చీఫ్ మల్లికార్జున ఖర్గే అధ్యక్షతన ఢిల్లీలో జరిగిన సమావేశంలో ఏపీ ఎమ్మెల్యే,ఎంపీ అభ్యర్థులపై చర్చలు జరిగాయి. అనంతరం క్యాండిడేట్లను ఫైనల్ చేసిన విషయం తెలిసిందే.ఇక తాజాగా కాంగ్రెస్ పదకొండవ జాబితాను విడుదల చేసింది.ఈ క్రమంలోనే వైఎస్ షర్మిల కడప ఎంపీగా పోటీ చేయనున్నట్లు ప్రకటించారు. రాజమండ్రి-గిడుగు రుద్రరాజు, కాకినాడ-పల్లంరాజు,బాపట్ల-జేడీ శీలం,కర్నూల్-రాంపుల్లయ్య యాదవ్ లోక్ సభ బరిలో ఉన్నారు.